അവരാണെങ്കില്‍ കീറിമുറിക്കും"; കാന്‍സർ ബാധിതയെ തെറ്റിദ്ധരിപ്പിച്ച് ചികിത്സിച്ചു; അക്യുപങ്ചറിസ്റ്റിനെ വിളിച്ച് വേദനയില്‍ കരയുന്ന ശബ്‌ദരേഖ പുറത്ത്, മരണത്തില്‍ പരാതി

കോഴിക്കോട്: കുറ്റ്യാടിയിൽ കാൻസർ ബാധിതയായ യുവതി മരിച്ച സംഭവത്തിൽ കൂടുതൽ വിവരങ്ങൾ പുറത്ത്. അക്യുപങ്ചറിസ്റ്റ് യുവതിയെ രോഗം ഭേദമാകും എന്ന് തെറ്റിദ്ധരിപ്പിച്ച് ചികിത്സ തുടർന്നുവെന്നതിന് തെളിവുകള്‍ പുറത്ത്. രോഗം കടുത്ത ഘട്ടത്തിൽ അക്യുപങ്ചറിസ്റ്റിനെ വിളിച്ച് വേദന കൊണ്ട് കരയുന്ന യുവതിയുടെ ശബ്ദരേഖയാണ് പുറത്തു വന്നിരിക്കുന്നത്.

Also read: തളിപ്പറമ്പിൽ അനധികൃത പാർക്കിംഗ്-കച്ചവടത്തിന് എതിരെ പൊലീസ് നടപടി

കുറ്റ്യാടി അടുക്കത്തെ ഹാജിറ എന്ന യുവതിയാണ് കാൻസർ ഗുരുതരാവസ്ഥയിലെത്തി മരിച്ചത്. കാൻസറിന്റെ ആദ്യഘട്ടം മുതൽ കുറ്റ്യാടിയിലെ അക്യുപങ്ചർ ചികിത്സാലയത്തിലാണ് ഹാജിറ പോയിരുന്നത്. നെഞ്ചുവേദനയും നീർക്കെട്ടും വന്നതിനെ തുടർന്നാണ് ഹാജിറ ഇവിടെ പോയത്. പച്ചവെള്ളവും നാല് അത്തിപ്പഴവുമായിരുന്നു ഇവര്‍ നിര്‍ദേശിച്ച ഭക്ഷണ ക്രമം. മറ്റൊന്നും കഴിക്കരുതെന്നും പറഞ്ഞു. ആറ് മാസം മുന്‍പാണ് ഹാജിറയ്ക്ക് കാന്‍സർ സ്ഥിരീകരിച്ചത്. രോഗവിവരം ബന്ധുക്കളെപ്പോലും അറിയിച്ചിരുന്നില്ല. ഒരു ഘട്ടത്തിൽ വേദന സഹിക്ക വയ്യാതെ ചികിത്സകയെ ഹാജിറ വിളിച്ച് കരയുന്നുണ്ട്.

"If they were, I would tear them apart"; Cancer patient was treated by misrepresentation; Audio recording of acupuncturist crying in pain released, complaint filed in death